له‌ باسه‌ سه‌یره‌كانی جیهان باسی درۆی نیسانه‌. لێره‌دا ده‌پرسین درۆی نیسان چییه‌؟ و بۆچی له‌ یه‌كی نیسان درۆكردن باوه‌؟ هه‌رچه‌نده‌ كه‌ له‌باره‌ی مێژووی درۆی نیسان چه‌ند باسێكی جیاجیا هه‌یه‌، به‌ڵام رای زۆرینه‌ مێژووه‌كه‌ی بۆ ساڵی 1582 ی زایینی ده‌گێڕنه‌وه‌. كاتێك كه‌ له‌ ساڵی 1562 یه‌كێك له‌ پاپاكانی ئه‌وكات هه‌ستا به‌ گۆڕینی رۆژمێری (جولیانی) بۆ (گریگۆری). واته‌: گواستنه‌وه‌ی سه‌ری ساڵی له‌ یه‌كی نیسان بۆ یه‌كی كانوونی یه‌كه‌م بۆیه‌ پاشا (چاڕلزی نۆیه‌م) پاشای ئه‌وكاتی وڵاتی فه‌ڕه‌نسا له‌ ساڵی 1582 یه‌كه‌م كه‌س بوو كه‌ ئه‌م بڕیاره‌ی جێ به‌ جێكرد له‌ وڵاته‌كه‌ی خۆیدا. به‌ڵام وه‌كو هه‌موو بڕیارێك ئه‌م بڕیاره‌ش كه‌سانێك دژی بوون و به‌رامبه‌ر ئه‌م بڕیاره‌ وه‌ستانه‌وه‌ و سوور بوون له‌سه‌ر ئه‌وه‌ی كه‌ یه‌كی نیسان بكه‌ن به‌ سه‌ری ساڵی زایینی. بۆیه‌ خه‌ڵكیش هه‌ستان به‌ گاڵته‌كردن به‌و كه‌سانه‌ و دیاری سه‌یریان بۆ ده‌ناردن. بۆ نموونه‌ سه‌ندووقێكی گه‌وره‌یان بۆ ده‌نارد، به‌ڵام سندووقه‌كه‌ به‌تاڵیش بوو! یان هه‌ندێك جۆری شیرینییان وه‌ك دیاری بۆ ده‌ناردن كه‌ به‌ (خوێ) دروستكرابوو! بۆیه‌ ئه‌وانیش ناوی ئه‌م جۆره‌ كارانه‌یان نا (درۆی نیسان). ئه‌مڕۆ له‌سه‌رتاسه‌ری جیهاندا و له‌ كوردستانی خۆشماندا له‌ یه‌كی نیسان واته‌: یه‌كی چواری هه‌موو ساڵێك زۆر كه‌س درۆ ده‌كه‌ن!

بۆچوونه‌کان (0)

نیشاندان / شاردنه‌وه‌ی بۆچوونه‌کان

نووسینی بۆچوون